NEN NANG NYOK KƗ̀ PUP KƗ̀ MAT VERA FUNU
matwok Dr. Anne Garber Kompaore ɗo nvera kɨ̀ shɨk cir kɨ̀ ɗo kɨ̀ Dɨde lamet lis Ngas. Nyi we yil Canada, ɗang gyik ngo Bourkina Faso mwa, sɨm kɨ̀ mɨs kɨni ɗo Daniel Kampaore. Sīt mɨni mpì kàt kɨ mbiman kake http://www.aegk.finespun.net/
Nɗin tar ngo bap nyi ɗo jì Najeriya mpìteko nyi lap mbi mu cin kake nfil kɨ Obadiya, kɨ Micah kɨ Ishaya. Ji ru ɗak a ɓe lap ce we yil kɨ̀ mwa nCanada te pup lè kɨni kɨ̀ be we. Nen kɨ̀ ɗàp nyok kɨni. Pet kɨ ɗa ɓe ɗàp ɓutfi ko ɗa mɨ̀ sati bap mpìteko nyi lap bi mu cin. Nen nyi là rit nyi kake pɨn kɨ̀ ke kòmè nyi cìn.
Mun gò cir kɨ̀ ɗo kɨ̀ Nen ɗa mu leng tè kɨ rit ko matwok funu Anne nyi kàt ni kɨ̀ pus wum kɨ̀ pup kɨni ɗa. Ka shi kò Nen terkazɨm mùn ko mu gam bi ɓut funu rot, be mu kàt marin kɨ ɗo kɨ mɨ̀ latu mpi karng mwa mwà kàt mwa ni ɓang. Mu ɗen nyangtɨng nyi mpi ko wu ni ko ka ɓe wu ɗap letum.
Nen nyi ɓwir am ɓwap kake kɨ̀ mwa.
